"Real” İspaniya La Liqasının 28-ci turunda “Vilyarreal”a 2:3 hesabıyla məğlub olub.Corner.az xəbər verir ki, matçdan sonra “kral klubu”nun futbolçusu Federiko Valverde “Vilyarreal”ın oyunçusu Aleks Baena arasında xoşagəlməz hadisə yaşanıb.
Belə ki, uruqvaylı oyunçu qarşılaşma bitdikdən sonra qonaqların avtobusunun yanında Baenanı gözləyib və daha sonra rəqibinə yaxınlaşan Valverde onun üzünə gözlənilməz zərbə endirib. İspaniya mətbuatının iddiasına görə, Valverden'in bu cür aqressiv davranışının səbəbi “Vilyarreal”ın oyunçusunun onun ailəsini təhqir etməsi səbəb olub.
“Kral klubu” hazırda İspaniya çempionatının turnir cədvəlində 59 xalla ikinci, “Vilyarreal” isə 47 xalla beşincidir.
