"Barselona”nın prezidenti Xuan Laporta UEFA-nın rəhbəri Aleksander Çeferinlə görüşmək üçün Sloveniyaya yollanıb. Corner.az saytı xəbər verir ki, tərəflərin Kataloniya klubuna qarşı mümkün sanksiyalar məsələsini, həmçinin Superliqa layihəsini müzakirə edəcəkləri bildirilib.
UEFA-nın hazırda məsələni qiymətləndirməkdən yayındığı, qitə futbol qurumunun La Liqa nəhəngi ilə dialoq aparmağa hazır olduğu diqqətə çatdırılıb
Daha əvvəl “Neqreyra işi” ilə bağlı mətbuat konfransı çərçivəsində Laporta “Tebasın tələsinə düşməyən” Çeferinin savadlılığını və məsuliyyətini qabardıb.