İspaniya La Liqasının 30-cu turunda "Real" “Selta” ilə ev oyununda 2:0 hesablı qələbə qazanıb. Corner.az xəbər verir ki, qarşılaşmada hesabı açan “kral klubu”nun yarımmüdafiəçisi Marko Asensio cari mövsüm çempionatda 8-ci qoluna imza atıb.
İspan oyunçu ümumilikdə 12 dəfə fərqlənib ki, bunun 1-i İspaniya yığmasının heyətində baş verib. Bu da Asensionun şəxsi karyera rekordu deməkdir
O, 2023-cü ildə “Real”ın heyətində bütün turnirlərdə 8 dəfə rəqib qapılarına yol tapıb. Bununla Asensio “böyük beşlik” ölkələrinin yüksək liqalarında ən yaxşı göstəriciyə malik ispaniyalı futbolçu ünvanına yiyələnib.
Qeyd edək ki, “Real” hazırda 65 xalla turnir cədvəlinin 2-ci pilləsində qərarlaşır.
