İspaniya La Liqasının XXX turunda “Atletiko” üzərində 1:0 hesablı qələbə qazanan “Barselona” yeni rekord müəyyənləşdirib. Corner.az xəbər verir ki, Kataloniya klubu mövsümün geridə qalan hissəsində buraxdığı qol sayına görə tarixə düşüb.
Belə ki, 30 turda qapısında cəmi 9 top görən kataloniyalılar bu baxımdan Avropanın “Top-7” liqasında rekord müəyyənləşdirib. İndiyə qədər İngiltərə, İtaliya, İspaniya, Almaniya, Fransa, Portuqaliya və Niderland çempionatında heç bir komanda ilk 30 turda 10-dan az qol buraxmayıb.
“Barselona”ya qədər ən yaxşı göstərici “Portu” və “Çelsi”yə məxsus idi. Portuqaliyalılar 1991-92, ingilislər isə 2004-05 mövsümünün ilk 30 turunda 10 top buraxıblar.
Qeyd edək ki, 76 xalla turnir cədvəlinə başçılıq edən “Barselona” ikinci pillədəki “Real”ı 11 xal qabaqlayır.
