"Atletiko Madrid” klubu qeyri-adi rekorda imza atıb. Corner.az saytı xəbər verir ki, Madrid təmsilçisi İspaniya La Liqasında ardıcıl 33-cü oyunu penalti yerinə yetirmədən keçirib.
Madridlilər son olaraq XXX turda “Barselona” (0:1) ilə qarşılaşmada penalti qazanmayıb. Dieqo Simeonenin yetirmələrinin lehinə təyin olunan sonuncu 11 metrlik zərbə 350 gün əvvələ təsadüf edir.
"Atletiko" tarixinin mütləq rekorduna imza atıblar. Komandanın buna qədərki penaltisiz ən uzun seriyası 1941-42 və 1942-43 mövsümlərinə təsadüf edir. 80 il əvvəl “Atletiko” ardıcıl 32 matçda penalti yerinə yetirməyib.