“Real” İspaniya La Liqasının XXXI turunda “Jirona” ilə oyuna ciddi itkilərlə çıxacaq. Corner.az xəbər verir ki, “kral klubu” bugünkü görüşdə 3 futbolçusundan yararlana bilməyəcək.
Bunlar qapıçı Tibo Kurtua, yarımmüdafiəçi Eduardo Kamavinqa və hücumçu Kərim Benzemadı. Belçikalı qolkiper mədəsindəki ağrılara, digərləri isə yüngül zədəyə görə görüşün iştirak ərizəsinə salınmayıb.
Braziliyalı hücumçu Rodriqo son məşqə çıxmasa da, oynamasına əngəl yoxdu.
Qeyd edək ki, “Jirona” – “Real” oyunu Bakı vaxtı ilə saat 21:30-da başlayacaq.