İspaniya nəhəngləri "Barselona” və “Real” mövsümlərarası fasilədə qarşılaşacaq. Corner.az xəbər verir ki, əzəli rəqiblər ABŞ toplanışı çərçivəsində “El Klasiko” təşkil etmək niyyətindədir.
İlkin razılığa əsasən, görüşün iyulun 29-da Dallasda, 92 min tamaşaçı tutumuna malik “Kotton Boul” stadionunda baş tutacağı gözlənilir.
Bu, ABŞ-da üçüncü “El Klasiko” olacaq. Komandalar daha əvvəl 2017-ci ildə Mayamidə (“Barselona” 3:2 hesabı ilə qalib gəlib), 2022-ci ildə isə Las-Veqasda (“Barselona” 1:0 hesabı ilə qalib gəlib) yoxlama görüşündə üz-üzə gəliblər.
