"Real Madrid" İspaniya çempionatının 35-ci turunda səfərdə “Valensiya”ya 0:1 hesablı məğlub olub.
Corner.az xəbər verir ki, sözügedən görüşdən sonra Madrid “Real”ının hücumçusu Vinisius oyun ərzində baş verənləri şərh edib.
“Bu hal birincidir, nə ikinci, nə də üçüncü. La Liqada irqçilik adi hala çevrilib. La Liqa rəhbərliyi, federasiya irqçiliyi normal qarşılayır, rəqiblər də buna həvəs göstərməyə çalışır. Bir vaxtlar Ronaldinyo, Ronaldo, Kriştiano və Messinin oynadığı çempionatda indi irqçilər ağalıq edir. Aşiq olduğum gözəl bir ölkə dünyaya irqçi bir ölkə imicini ixrac etməyə razılaşdı. İspanlara yazığım gəlir, amma bu gün Braziliyada İspaniya irqçilər ölkəsi kimi tanınır” – deyə, braziliyalı forvard tvitter hesabında yazıb.
Braziliyalı qeyd edib ki, karyerasının sonunadək irqçiliyə qarşı mübarizə aparacaq: “Mən güclüyəm və irqçilərə qarşı sona qədər gedəcəyəm. İspaniyadan uzaqda olsa belə”.
