"Barselona"nın futbolçusu Jordi Albanın mövsümün sonunda klubda ayrılacağı dəqiqləşib.
Corner.az xəbər verir ki, 34 yaşlı müdafiəçi bu gün gedişini açıqlayacaq.
Müdafiəçi 2024-cü ilin yayına müqaviləsinin olmasına baxmayaraq, bu mövsümün sonunda "Barselona"dan ayrılmaq qərarına gəlib.
Bazar günü "Malyorka" ilə matçda o, kapitan Serxio Buskets kimi "Kamp Nou"da azarkeşlərlə vidalaşacaq.
Alba 2012-ci ildən "Barselona"da çıxış edir. O, klubla 6 dəfə La Liqanın qalibi olub, 5 dəfə İspaniya kubokunu, 4 dəfə İspaniya Superkubokunun qazanıb. Alba həmçinin komanda ilə Çempionlar Liqası, Avropa Superkuboku və Klublararası Dünya Çempionatının qalibi olub.
