“Real”ın baş məşqçisi Karlo Ançelotti İspaniya La Liqasında 150-ci oyununu keçirib.
Corner.az xəbər verir ki, XXXVI turda “Rayo Valyekano” ilə görüş italiyalı mütəxəssisin madridlilərin sükanı arxasında yubiley qarşılaşması olub.
Ançelottinin komandası 150 oyunun 106-da qələbə qazanıb. O, ilk 150 qarşılaşmada ən çox qələbə sevinci yaşayan üçüncü çalışdırıcıdı. Ançelotti bu baxımdan Pep Qvardiola (115 qələbə) və Migel Munyosdan (107) geri qalır.
“Real”ın sabiq baş məşqçisi Zinəddin Zidan ilk 150 qarşılaşmada 102 qələbə qazanmaqla dördüncüdü.
Qeyd edək ki, “Real” “Rayo Valyekano”nu 2:1 hesabı ilə məğlub edib.
