"Real"ın futbolçusu Vinisius Junior forma nömrəsini dəyişib.
Corner.az xəbər verir ki, buna qədər 20 nömrəli formada oynayan braziliyalı hücumçu artıq "7" nömrə olacaq. Əvvəl bu nömrə ilə ötən həftə "Real"dan azad agent kimi ayrılan Eden Hazard çıxış edirdi.
Hazarddan əvvəl 7 nömrəli formanı Kriştiano Ronaldo, ondan öncə isə Raul Qonsales geyinib.
Qeyd edək ki, 2018-ci ilin yayından "Real"da çıxış edən Vinisius başa çatan mövsümdə La Liqada 33 oyun keçirib, 10 qol vurub və 9 məhsuldar ötürmə edib.
