"Vilyarreal”ın futbolçusu Aleks Baena “Barselona”ya keçə bilər.
Corner.az xarici mediaya istinadən xəbər verir ki, Kataloniya təmsilçisi 21 yaşlı yarımmüdafiəçini heyətinə qatmaqda maraqlıdır. Baena yanvarda klubu ilə müqaviləsini 2028-ci ilə qədər uzadıb.
Kataloniyalılar “Mançester Siti” ilə müqaviləsi başa çatan yarımmüdafiəçi İlkay Gündoğanın hansı qərar verəcəyini gözləyir. Maddi durum imkan versə, “Barselona” hər iki futbolçunu transfer edəcək.
Qeyd edək ki, Baena 2022/23 mövsümündə La Liqada 35 oyunda 6 qol vurub.
