UEFA "Barselona"nı bağışlamadı

Avropa Futbol Assosiasiyaları İttifaqı ( UEFA ) "Barselona"nın 2022-ci ildə maliyyə hesabatlarını pozduğuna görə 500 min avro cərimələnməsini qüvvədə saxlayıb.

90deqiqe.az xəbər verir ki, bu barədə yerli mətbuat məlumat yayıb. Məlumatda, kataloniyalıların müraciəti UEFA tərəfindən rədd edildiyi vurğulanıb. İyul ayında UEFA-nın klubun maliyyə nəzarəti orqanı “Barselona”nı 2022-ci maliyyə ilində qaydalara uyğun gəlir kimi təsnif olunmayan qeyri-maddi aktivlərin (oyunçu transferləri istisna olmaqla) satışından əldə etdiyi mənfəəti səhv hesabat verdiyinə görə yarım milyon avro cərimələyib.