Ançelotti: Gərgin şəraitdə keçəcək bu matçı izləməyə dəyər

"Real"ın baş məşqçisi Karlo Ançelotti İspaniya La Liqasının XIII turunun "Valensiya" ilə matçından öncə açıqlama verib.

90deqiqe.az xəbər verir ki, italyan çalışdırıcı, görüşün gərgin şəraitdə keçəcəyini istisna etməyib:

"Burada Vinisiusun irqçi çıxışlara məruz qalması ilə bağlı danışmırıq. Diqqətimizi cəlb edən əsas məsələ "Valensiya"nın çox yaxşı komanda olmasıdır. Sırf bu səbəbdən oyunu yüksək intensivliklə keçirməyi planlaşdırırıq.

Gərgin şəraitdə keçəcək bu matçı izləməyə dəyər. Azarkeşlər rahatlıqla stadiona gələrək matçı izləyə biləcəklərini düşünürəm. Gəlin, "Valensiya" azarkeşlərinin problemsiz və rahatlıqla stadiona gəlməklərinə şərait yaradaq".

Xatırladaq ki, 2022/23 mövsümünün ölkə çempionatının 35-ci turunun "Real" - "Valensiya" matçında (0:1) Vinisius Juniora qarşı irqçi çıxışlar edilmişdi.