Türkiyəli futbolçuya görə həkimi qovdular

“Real” tibb şöbəsinin müdiri Niko Mihiçi vəzifəsindən azad edib. 90deqiqe.az xəbər verir ki, xorvatiyalı mütəxəssisin qovulmasına səbəb yarımmüdafiəçi Arda Gülərin zədəsinin son durumu olub.

Gənc oyunçunun zədəsinin 3-cü dəfədə də yeniləməsi 2017-ci ildən madridlilərdə çalışan həkimin qovulmasına səbəb olub.

Rəhbərlik bütövlükdə cari mövsümdə zədələrin çox olmasından və daha əvvəllər Kərim Benzema, David Alaba və Dani Sebalyosun da Arda Gülərlə eyni taleyi yaşamalarından narahat olduğu üçün bu addımı atıb. Bu üzdən paytaxt təmsilçisi çıxış yolunu Niko Mihiçin ayrılmasında görüb.

Qeyd edək ki, bir müddət əvvəl Tibo Kurtua və Eder Militao diz çarpaz bağından zədələnərək uzun müddət yaşıl meydanlardan kənarda qalmışdı.