“Real”la anlaşmışdım amma ...

“Milan” və“Yuventus”un keçmiş yarımmüdafiəçisi Andrea Pirlo maraqlı açıqlama verib.

90deqiqe.az xəbər verir ki, 44 yaşlı italyan veteran futbolçu “Football Italia”ya açıqlamasında 2006-cı ilin yayında “Real”a keçməyə yaxın olduğunu etiraf edib:

“Dünya Kuboku yenicə yekunlaşmışdı və Kalsiopoli qalmaqalı yaşandı. “Milan”ın B Seriyasına göndərilmək ehtimalı var idi. Həmin vaxt Fabio Kapello “Real”a keçdi. Onunla və klub rəhbərliyi ilə danışdım, razılaşdıq. Mövsümöncəsi təlim-məşq toplanışına gələndə mənə dedilər ki, biz A Seriyasında qalacağıq, amma xallarımız silinəcək.

Bu barədə əmin deyildim, çünki artıq Madrid klubuna getməyə qərar vermişdim. Amma “Milan”a bazaya qayıdandan sonra Adriano Qalliani (red- həmin vaxt klubun vitse-prezidenti) və agentimlə görüşdükdən sonra  qalmağa qərar verdim. Adriano müqaviləni stolun üstünə qoydu və rəqəmləri doldurmağımı söylədi. Bir neçə gün sonra sənədlər imzalandı”.