Onlar 2010-cu illərdə La Liqaya damğa vurublar - SİYAHI

“FourFourTwo” 2010-cu illərdə İspaniya La Liqasında çıxış edən ən yaxşı futbolçuların siyahısını açıqlayıb.

90deqiqe.az xəbər verir ki, siyahıya “Barselona”nın sabiq hücumçusu Lionel Messi liderlik edir.

“İlk 3-lük”də “Real”ın keçmiş forvardı Kriştiano Ronaldo və sabiq “Barsa”lı yarımmüdafiəçi Andres İnyesta yer alıb.

Hazırda "İnter Mayami"də çıxış edən argentinalı superulduz 2000-2021-ci illərdə Kataloniya klubunda çıxış edib. O, İspaniya çempionatında 520 matçda iştirak edib. O, 474 qol vurub və 216 məhsuldar ötürmə etməyi bacarıb.

“İlk 10-luq” belədir:

1. Lionel Messi (Barselona);

2. Kriştiano Ronaldo (Real Madrid);

3. Andres İnyesta (Barselona);

4. Xavi (Barselona);

5. Kərim Benzema (Real);

6. Serxio Buskets (Barselona);

7. Luka Modriç (Real);

8. Luis Suares (Barselona);

9. Toni Kroos (Real);

10. Neymar (Barselona).