Qrizmannın ən böyük arzusu

“Atletiko”nun hücumçusu Antuan Qrizmann komandadakı ən böyük arzusunu açıqlayıb.

90deqiqe.az xəbər verir ki, fransalı hücumçu “Marca”ya açıqlamasında Madrid klubunun tarixinin ən yaxşı bombardiri olmaq olduğunu bildirib:

“Buraya qayıtdıqdan sonra bu mənim problemim oldu. Hər qol rekorda yaxınlaşdırır. Yəni bu mənim məqsədim, arzumdur. Mən buna soyuqqanlılıqla yanaşıram. Şans yarandıqda özümü itirməməyə çalışıram. Bu məsələyə sakit yanaşmaq lazımdır. Qollar öz-özünə gələcək”.

Qeyd edək ki, Qrizmann hazırda 170 qolla “Atletiko”nun tarixi bombardiriləri siyahısında 2-cidir. O yalnız hesabında 173 qolu olan Luis Araqonesdən geri qalır.