“Barselona” – son 20 ildə cəmi 4 dəfə

İspaniya La Liqasında 16-cı turunun oyunları keçirilib. 90deqiqe.az xəbər verir ki, “Barselona” öz meydanında “Jirona”ya 2:4 hesabı ilə məğlub.

Bu qarşılaşma 2023-cü ilin aprelindən indiyədək Kataloniya klubunun qapısında 4 qol gördüyü ilk oyun olub. Bundan əlavə, “Barselona” İspaniya Kral Kubokunun yarımfinalında Madrid “Real”ına eyni hesabla uduzmuşdu.

Son 20 il ərzində “Barselona” İspaniya çempionatında cəmi 4 dəfə öz meydanında 4 qol buraxıb: “Real Betis” (3:4), “Deportivo” (2:4), “Valensiya” (2:4) və “Jirona” (2:4).

16 turdan sonra “Barselona” La Liqada 34 xalla üçüncüdür. Turnir cədvəlinə isə 41 xalla “Jirona” başçılıq edir.