Eynu klubda işləməkdən artıq zövq almır

“Atletiko”nun baş məşqçisi Dieqo Simeone uzun illər Madrid klubunda çalışması ilə bağlı danışıb.

90deqiqe.az “Sky Sports”a istinadən xəbər verir ki, argentinalı çalışdırıcı eyni klubda uzun illər işləmək və zövq almağın çətin olduğunu bildirib.

“Dürüst olmaq istəyirəm: uzun illər eyni klubda işləmək və zövq almaq çətindir. Madriddə özümü çox yaxşı hiss edirəm və əminəm ki, klub hələ də inkişaf edə bilər. Bununla belə, “Atletiko”nun ildən-ilə Avropada irəliləməsinə kömək etmək asan deyil. Baxmayaraq ki, bu, əsas vəzifələrdən biridir”,

Qeyd edək ki, Simeone 2011-ci ilin sonundan “Atletiko”nu çalışdırır. 53 yaşlı mütəxəssisin rəhbərliyi altında Madrid klubu 8 kubok qazanıb.“Atletiko” hazırda İspaniya çempionatının turnir cədvəlində 3-cü pillədə qərarlaşıb.

Əlavə edək ki, Simeone dünyanın ən çox maaş alan məşqçisidir.