Laportanın azarkeşlərdən istəyi var

"Barselona" prezidenti Joan Laporta komandanın son oyunlardakı uğursuz nəticələri haqqında açıqlama verib.

90deqiqe.az xəbər verir, funksioner yaşanılan son məyusluqlara baxmayaraq heç vaxt təslim olmayacaqlarını söyləyib:

"İdman dünyasının bir hissəsi olan idman məyusluqlarına baxmayaraq, gündən-günə dünyanın ən yaxşı klubunu təmsil etməkdən qürur duyduğumuz müddətdə heç vaxt təslim olmayacağıq. Dörd yarışda mübarizə aparmağa çıxacağıq; Super Kubok, Kubok, Liqa və Çempionlar Liqası. Sizdən bu gün hər zamankından daha çox dəstək olmanızı və bu günlərdə oyunçularımızı və məşqçimizi qələbə yolunda onları müşayiət etmələrini xahiş edirəm. Biz birlikdə buna nail ola bilərik."

Qeyd edək ki, "Barselona" hazırda İspaniya çempionatının turnir cədvəlində 4-cü yerdədir.