Suarez Neymarı bu hərəkətinə görə qınadı

"Barselona"nın sabiq hücumçusu Luis Suarez keçmiş komanda yoldaşı Neymarın 2017-ci ildə Kataloniyanı PSJ-yə dəyişməsini səhv addım olduğunu bildirib.

90deqiqe.az xəbər verir ki, uruqvaylı futbolçu bu barədə yerli mətbuata açıqlama verib:

"Biz Messi və Neymar çox yaxşı dost idik və bilirdik ki, meydanda öz rollarımızı yerinə yetirsək "Barselona"nı möhtəşəm edəcəyik. Birimiz yaxşı oynamasaydıq, digər ikimiz fərq yaradırdı. Möhtəşəm bir münasibət idi. Ona PSJ-yə getməyin səhv olduğunu dedik. Neymar ən yaxşı olmaq istəydisə, Leonun yanında qalmalı idi. Lakin o, qərarını verdi və bu, komandada boşluq yaratdı".