Superliqa layihəsi hələ də keçərlidir, israrlıdır

“Barselona”nın prezidenti Xuan Laporta Superliqanın gələcəyi ilə bağlı açıqlama verib.

90deqiqe.az xəbər verir ki, funksioner, məhkəmənin qərarı müsbət olacağı təqdirdə Superliqanı işə salacaqlarını bildirib:

“Məhkəmə bizim xeyrimizə qərar çıxarsa, etməli olduğumuz ilk iş UEFA ilə hər şeyi düşünüb və danışmağa başlamaqdır. UEFA-ya yeni turnirin təşkilində iştirak etmək imkanı verilməlidi. Layihənin reallaşma sürəti bu dialoqa bağlıdı. Amma 1-2 ildən sonra Superliqanı işə sala biləcəyimizi düşünürəm”.

Qeyd edək ki, Avropa Məhkəməsi dekabrın 21-də UEFA və Superliqa arasında gedən proseslərlə bağlı hökmünü açıqlayacaq.