“Real”ın yeni transferi ondan ilhamlanır

“Real”ın yeni transferi Braziliya “Palmeyras”ının hücumçusu Endrik kumirinin kim olduğu haqda açıqlama verib.

90deqiqe.az “Mundo Deportivo”ya istinadən xəbər verir ki, 17 yaşlı forvard “Barselona”nın keçmiş üzvü Luis Suaresin oyunundan ilham aldığını gizlətməyib.

“Mən Suaresin “Barselona”da çoxlu oyunlarını izləmişəm. Tiaqo Silva və David Luizi (Çempionlar Liqasının 2014/2015 mövsümünün 1/4 final mərhələsində “Barselona”nın PSJ-yə 3:1 hesabı ilə qalib gəldiyi oyunda Suares həmin oyunda dubla imza atıb– red.) aldadaraq PSJ-yə vurduğu qolu xatırlayıram. Ondan çox şey öyrəndim və o, “Qremio”da çıxış edərkən Braziliya futboluna çox şey verdi”

Qeyd edək ki, dekabrın 22-də Suares Amerikanın “İnter Mayami” klubuna keçib. Bundan əvvəl uruqvaylı futbolçu Braziliyanın “Qremio” klubunda çıxış edib.