“Real” Ançelotti ilə bağlı qərarını dəyişdi

İspaniyanın "Real" klubu baş məşqçisi Karlo Ançelottinin müqaviləsinin müddətini 2024-cü ilin yanvarında uzatmaq istəyir.

90deqiqe.az xəbər verir ki,  bu barədə AS nəşri məlumat yayıb.

Nəşrin məlumatına görə, “kral klubu” italiyalı mütəxəssisin fəaliyyətindən razıdı və İspaniya Superkuboku turnirindən əvvəl onunla görüşməyi planlaşdırır.

 Tərəflər yanvarın 10-da bununla bağlı bir araya gələcək. Klub İspaniya Superkubokundan əvvəl 64 yaşlı mütəxəssislə ortaq məxrəcə gəlməyə çalışacaq.

İtaliyalı mütəxəssisdə komanda da qalmağa müsbət yanaşdığı bildirilir.

Qeyd edək ki, Ançelottinin “Real”la müqaviləsi mövsümün sonuna qədərdi. 

Əlavə edək ki, "Real" 18 turdan sonra 45 xalla La Liqada liderdir.