Serxio Ramos dopinq testindən keçməkdən imtina edibmiş

"Sevilya”nın müdafiəçisi Serxio Ramosun 2018-ci ildə dopinq testindən keçməkdən imtina etdiyi aşkarlanıb.
90deqiqe.az xəbər verir ki, həmin vaxt “Real”ın formasını geyinən ispan futbolçu La Liqa çərçivəsində “Malaqa” ilə qarşılaşmadan sonra dopinq testindən keçməli imiş. Lakin o, duş qəbul etməzdən əvvəl testlərdən yayınıb.

Halbuki qaydalara görə, idmançılar yarış bitəndən dərhal sonra testdən verməlidi. Dopinq nəzarəti bir nəfər tərəfindən keçirilib. Bu zaman isə Ramos cəzadan canını qurtara bilib.

Qeyd edək ki, Serxio Ramos bu ildən “Sevilya”nın formasını geyinir.