Arda bu gün debüt edəcək? - Ançelotti açıqladı

“Real”ın baş məşqçisi Karlo Ançelotti türkiyəli futbolçu Arda Gülərin sıraya qayıtması ilə bağlı açıqlama verib.

90deqiqe.az xəbər verir ki, italyan mütəxəssis 18 yaşlı yarımmüdafiəçiyə şans verəcəyini bildirib:

“Arda Gülər ​​qayıdıb və o, əvvəlki formasını bərpa etməyə başlayıb. Onu geri meydana buraxmağa tələsmirik, uzun illər bu klubda oynamağa vaxtı olacaq. Bacarsam, bu gün Gülərə oyunda şans verəcəm. Onun böyük potensialı var, buna heç bir şübhəmiz yoxdur”.

Bu yay “Fənərbağça”dan 20 milyon avroya “Real”a keçən Arda Gülərin yeni komandasında davamlı zədələr aldığı üçün debüt edə ləngiyib.

Qeyd edək ki, bu gün, yanvarın 3-də Madrid klubu “Malyorka” ilə qarşılaşacaq. Görüş Bakı vaxtı ilə saat 22:15-də başlayacaq.