Simeonedən məğlubiyyət şərhi

 “Atletiko Madrid”in baş məşqçisi Dieqo Simeone la liqada “Jirona”ya məğlubiyyətdən (3:4) sonra fikirlərini bölüşüb.

90deqiqe.az xəbər verir ki, argentinalı çalışdırıcı məğlubiyyətin səbəbini oyunçularının yorğunluğunda gördüyünü bildirib.

“Mən həmişə hər şeyə müsbət tərəfdən baxıram. Çox yaxşı başlamadıq, 30 dəqiqə üstünlük rəqibdə oldu.

İkinci hissəyə yaxşı başladıq, hesabı da bərabərləşdirdik. Çox səy göstərdik, bu da əvəzetmələrə səbəb oldu, çünki oyunçuların çox yorğun olduğunu gördüm.
Məğlubiyyətin səbəbləri? Qol buraxdığımız toplarda müdafiədə kifayət qədər güc göstərə bilmirdik”.