XXI əsrin ən bəstəboy futbolçusu olacaq

“Qranada”nın yarımmüdafiəçisi Brayan Saraqosa XXI əsrin Bundesliqada çıxış edən ən qısa boylu oyunçusu ünvanına sahib ola bilər.

90deqiqe.az xəbər verir ki, 22 yaşlı futbolçu buna mövsümün sonunda “Bavariya”nın formasını geyinməklə nail olacaq.

İspan oyunçunun boyu 164 santimetrdi. Ondan əvvəl ən qısa boylu oyunçu “Verder”in yarımmüdafiəçisi Romano Şmidt (168 sm), olub.

“Bavariya”nın heyətində isə son 23 ildə ən qısa boylu oyunçular Mixael Veysinger (168), Pyotr Troxovski (168) və Biksent Lizarazyu (169) olub. Brayanın oyun üslubuna görə oxşadığı Frank Riberinin boyu 1,70 m-di.

Qeyd edək ki, “Bavariya” Brayan Saraqosanı La Liqa klubundan 13 milyon avroya transfer edib. O, mövsümün sonuna qədər “Qranada”da qalacaq.