61 illik rekord təkrarlandı

İspaniya “Real Madrid”i 61 illik göstəricini təkrarlayıb.

90deqiqe.az xəbər verir ki, Madrid təmsilçisi buna İspaniya Superkubokunun yarımfinalında “Atletiko”nu 5:3 hesabı ilə qalib gəldiyi matçda nail olub.

Belə ki, “Kral klubu” 1963-cü ildən bəri ilk dəfə 3 qol buraxdığı görüşdə “Atletiko”nu məğlub etməyi bacarıb. 61 il əvvəl martda keçirilən Madrid derbisində “Atletiko” meydandan 3:4 hesablı məğlubiyyətlə ayrılıb.

Qeyd edək ki, İspaniya Superkubokunun final oyunu yanvarın 14-də keçiriləcək. “Real” həlledici matçda bu gün baş tutacaq “Barselona” – “Osasuna” qarşılaşmasının qalibi ilə üz-üzə gələcək.