Serxi Roberto "Barselona"da qalacaq? - özü açıqladı

"Barselona"nın müdafiəçisi Serxi Roberto komanda ilə müqaviləsini uzatmağa hazır olduğunu bildirib.

90deqiqe.az xəbər verir ki,  ispan futbolçu yeni mövsümdə də katalonlarda çıxış edəcəyinə ümid etdiyini qeyd edib.

"Məşqçi qalmağımı istəsə... Əminəm ki, yeni müqavilə imzalamaqda heç bir problemimiz olmayacaq. Ümid edirəm ki, növbəti mövsüm yenidən “Barselona”da oynayacağam."

31 yaşlı futbolçunun La Liqa nəhəngi ilə müqaviləsi bu mövsümün sonuna qədər nəzərdə tutulub.

Qeyd edək ki, Roberto Kataloniya təmsilçisi ilə bu mövsüm 11 matçda iştirak edib, 3 qol vurub və 1 məhsuldar ötürmə edib.