“Belə matçlara hazırlaşmaq illüziyadır” - Ançelotti 

"Real Madrid"in baş məşqçisi Karlo Ançelotti "Barselona" ilə qarşılaşacağı İspaniya Superkubokunun finalı haqda fikirlərini bölüşüb. 

 90deqiqe.az xəbər verir ki, italyan mütəxəssis bu günkü görüşün bir şou olacağını bildirib.

“Bu, günkü final oyunu, vacib tituldur, amma başqa şeylər də var. Görüşdə xırda dəyişikliklər ola bilər.Hər kəsin baxacağı oyunlara hazırlaşmaq illüziyadır. Bu görüş bir şou olacaq. Siz çox şeylərdən narahatsınız və bu, çətindir, çünki narahatlığa baxmayaraq, uğur qazanmaqdan narahatsınız” - deyə, Ançelotti qeyd edib.

Xatırladaq ki, “Real” – “Barselona” matçı  bu gün, yanvarın 14-də Ər-Riyaddakı (Səudiyyə Ərəbistanı) “Əl-Avval Park” stadionunda keçiriləcək.

İspaniya Superkubokunun 1/2 finalında "Los Blancos" "Atletiko Madrid"i məğlub edib. Qarşılaşmanın əsas vaxtı 3:3 hesabı ilə başa çatıb. Lakin əlavə vaxtda Ançelottinin yetirmələri iki qol vuraraq 5:3 hesabı ilə yekun qələbə qazanıblar.