"Bu gecə qəbuledilməz bir nəticə oldu" - Levandovski

"Barselona"nın polşalı hücumçusu Robert Levandovski komandasının "Real Madrid"lə İspaniya Superkubokunun final oyununda darmadağın olmasını şərh edib.

90deqiqe.az-ın məlumatına görə, 35 yaşlı forvard sosial şəbəkə hesabında bunu yazıb.

“Bu gecə qəbuledilməz bir nəticə oldu. Bunun üçün bütün komanda azarkeşlərindən üzr istəyirəm” - deyə Levandovski paylaşımında qeyd edib.

Qeyd edək ki, Səudiyyə Ərəbistanında "Əl-Əvval Park" stadionunda keçirilən görüş Kral klubunun 4:1 hesablı qələbəsi ilə başa çatıb. Bu görüşdə "Barselona"nın yeganə qolunu Levandovski vurub.

Əlavə edək ki, Levandovski 2022-ci ildən "Barselona"da çıxış edir. Hücumçunun klubla müqaviləsi 2026-cı ilə qədərdir. Bu mövsüm futbolçu bütün yarışlarda 25 matçda iştirak edib, 12 qol vurub və 5 məhsuldar ötürmə edib.