"Barselona" Xavi ilə bağı qərarını verdi

"Barselona" rəhbərliyi İspaniya Superkubokunun finalında "Real"dan məğlub olmasına (1:4) baxmayaraq, Xavini komandanın baş məşqçisi postundan qovmağı planlaşdırmır.

90deqiqe.az xəbər verir ki,  oyundan sonra kataloniyalıların prezidenti Joan Laporta mütəxəssisə dəstək olduğunu bildirib. Rəhbərlik  hesab edir ki, hazırda radikal tədbirlər görməyə ehtiyac yoxdur, çünki komanda titullara iddialı olaraq üç turnirdə çıxışını davam etdirir. Yalnız mövsümün sonunda ispan çalışdırıcının işi qiymətləndiriləcək.

Komanda Çempionlar Liqasından kənarda qalsa, rəhbərliyin fikri dəyişə bilər, lakin Kataloniya klubunun rəhbərləri hadisələrin belə gedişinə inanmırlar.

Xavi Superkubokdakı məğlubiyyətdən məyus olsa da, başqa kuboklar uğrunda mübarizə aparmaq niyyətindədir.