Ançelotti bu üç ölkənin klublarından dəvət gözləyir

"Real Madrid"in baş məşqçisi Karlo Ançelottinin oğlu və köməkçisi olan Davide Ançelotti İspaniya, İngiltərə və İtaliya klublarına rəhbərlik etməyə hazırdır.

90deqiqe.az-ın məlumatına görə, bu barədə jurnalist Ramon Alvares de Mun "X" sosial şəbəkəsində (keçmiş Twitter) yazıb.

O, Davidenin Səudiyyə klublarından bir neçə təklif aldığını və o, təklifləri rədd etdiyini qeyd edib. Eyni zamanda, Ançelotti İspaniya, İngiltərə və İtaliya komandalarından maraqlı təklif alacağı təqdirdə Los Blankosdan getməyə hazırdır. 34 yaşlı mütəxəssis baş məşqçi karyerasına başlamaq üçün köməkçi vəzifəsini də tərk etməyə hazırdır.

Davide karyerasına PSJ və Real Madriddə fitnes məşqçisi kimi başlayıb. Daha sonra "Bavariya", "Napoli" və "Everton"da Karlonun köməkçisi olub.