"Biz “Klassiko”nu uduzduq, amma .." - Xavi

"Barselona"nın baş məşqçisi Xavi İspaniya Superkubokunun finalında "Real"a məğlubiyyətdən sonra komandasının durumundan danışıb. 

90deqiqe.az-ın məlumatına görə, ispan mütəxəssis futbolçularda hər şeyin qaydasında olduğunu bildirib.

“Soyunma otağında hər şey əladır. Birlik hissi olan komanda, himnimizdə deyildiyi kimi, güclü olmaq arzusundadırlar. Komandamızın daha yaxşı olacağına əminəm. Bəli, biz “Klassiko”nu uduzduq, amma yenə də motivasiyalıyıq”, – Xavinin sözlərini Mundo Deportivo sitat gətirib.

Daha əvvəl mətbuatda “Real Madrid”ə məğlubiyyətdən sonra Xavinin Kataloniya təmsilçisinin baş məşqçi postunu tərk edə biləcəyi ilə bağlı iddialar yayılmışdı.

Xatırladaq ki, Superkubokun finalı bu il yanvarın 14-də Səudiyyə Ərəbistanında baş tutub. Kataloniya təmsilçisi "Barselona" səfərdə "Real Madrid"ə 1:4 hesabı ilə darmadağın olub. Qeyd edək ki, Xavinin rəhbərliyi altında "mavi qranatlar" ardıcıl üç rəsmi Klasikoda məğlub olub.