Araujo "Bavariya"ya keçir? - Deko açıqladı

"Barselona"nın idman direktoru Deko "Bavariya"nın müdafiəçi Ronald Araujo ilə maraqlanmasından danışıb.

90deqiqe.az  xəbər verir ki, o, uruqvaylı oyunçunu satmağı planlaşdırmadıqlarını bildirib.

"Satmağı planlaşdırmırıq. Bu, komandamızın gələcəkdəki ən vacib oyunçularından biridir. Onun xoşbəxt olmasını istəyirik, bu hər gün görünür. Burada danışacaq bir şey yoxdur."

Araujo 2018-ci ildən "Barselona"da çıxış edir. Bu mövsüm müdafiəçi "blaugrana"nın heyətində bütün turnirlərdə 20 oyun keçirib və bir qol vurub. Futbolçunun Kataloniya klubu ilə müqaviləsi 2026-cı ilin iyun ayının sonuna qədər qüvvədədir. Transfermarkt internet portalına görə futbolçunun təxmini dəyəri 70 milyon avrodur.