Xavinin gələcəyi onlardan asılıdır - Arauxo

"Barselona"nın müdafiəçisi Ronald Arauxo Kral Kubokunda "Atletik"lə oyunda məğlubiyyətdən sonra baş məşqçi Xavinin gələcəyi ilə bağlı açıqlama verib.

90deqiqe.az xəbər verir ki, uruqvaylı oyunçu bu qərarın yalnız klub rəhbərlərindən aslı olduğunu bildirib.

“Mən bu komanda ilə fəxr edirəm. Çoxlu gənc futbolçu ilə oynayaraq sona qədər mübarizə apardıq.Xavinin gələcəyi klub rəhbərlərindən asılıdır. Biz qarışa bilmərik. Düzdür, məşqçidən çox razıyıq. O, bizə çox kömək etdi və biz onun qalmasını istəyirik”, - deyə Arauxo söyləyib.

Xatırladaq ki, matçın əsas vaxtı 2:2 hesabı ilə başa çatıb. Xavinin komandası əlavə vaxtda iki dəfə qol buraxaraq turnirdəki iştirakını başa vurub. Qeyd edək ki, Kataloniya klubu İspaniya kubokunda qələbə sayına (31) görə rekordçudur.