- İspaniya L.L.
- 22:00 22.10.2024
"Atletiko Madrid"in sabiq futbolçusu Serxio Aquero hücumçu Antuan Qrizmanın "matrasçılar" üçün nə qədər əhəmiyyət kəsb etməsi ilə bağlı açıqlama verib.
90deqiqe.az xəbər verir ki, argentinalı sabiq oyunçu 32 yaşlı forvardın hazırda karyerasının ən yaxşı nəticələrini göstərdiyi klubda olduğunu bildirib.
“Əlbəttə, Qrizmann karyerasının ən yaxşı nəticələrini göstərdiyi klubda özünü evdəki kimi hiss etməlidir. O, qol vuran və başqalarının qol vurmasına imkan verən oyunçudur. “Atletiko”ya görə xoşbəxtəm, çünki bu komandaya yüksək nailiyyətlər əldə etməkdə kömək edən və yüksək uğur göstərən Qrizmanndır".
Xatırladaq ki, bu mövsüm Qrizmann bütün turnirlərdə 29 matçda iştirak edib, 18 qol vurub və 5 məhsuldar ötürmə edib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 25 milyon avrodur.