Xavinin gələcəyi ilə bağlı qərar verildi

"Barselona" rəhbərliyi ispaniyalı mütəxəssis Xavinin gələcəyi ilə bağlı qərar verib.

90deqiqe.az xəbər verir ki, kataloniyalılar Xavini yaxın vaxtlarda qovmayacaq. Məşqçi ən azı 2023/2024 mövsümünün sonuna qədər komanda ilə çalışacaq.

Xatırladaq ki, yanvarın 25-də “Atletik”in “Barselona”nı qəbul etdiyi İspaniya kubokunun 1/4 final oyunu başa çatıb. Bilbaoda "San Mames" stadionunda keçirilən qarşılaşma ev sahiblərinin əlavə vaxtda 4:2 hesablı qələbəsi ilə başa çatıb. Matçın əsas vaxtı 2:2 hesabı ilə başa çatıb. Xavinin komandası əlavə vaxtda iki dəfə qol buraxaraq turnirdəki iştirakını başa vurub.

Əlavə edək ki, Kataloniya klubu İspaniya kubokunda qələbə sayına (31) görə rekordçudur.

44 yaşlı çalışdırıcının "Barsa" ilə müqaviləsi 2025-ci ilin yayına qədər nəzərdə tutulub.