"Barselona" evdə uduzdu

İspaniya La Liqasının 22-ci turun oyunları keçirilir.

90deqiqe.az xəbər verir ki, "Barselona" bu tur çərçivəsində doğma meydanda "Vilyarreal"ı qəbul edib.

Gərgin keçən görüşdə katalonlar gözlənilmədən 3:5 hesabı ilə uduzub.

İlk hissədə, 22-ci dəqiqədə Xerard Moreno qol vuraraq, "Villarreal"ı önə çıxarsa da, videotəkrar izləndikdən sonra qol ləğv olunub. Birinci hissənin sonlarında, 41-ci dəqiqədə Jerar Moreno matçda hesabı açaraq qonaqları önə çıxarıb.

İkinci hissədə, 54-cü dəqiqədə İlyas Ahomaş "Vilyarreal"ın fərqini ikiyə çatdırıb. Tezliklə 61-ci dəqiqədə İlkay Gündoğan fərqlənərək fərqi bir topa endirib. 68-ci dəqiqədə Pedri qol vuraraq hesabı bərabərləşdirib. 71-ci dəqiqədə Erik Bayl topu öz qapısına vurub və "Barselona"nı önə keçib. 84-cü dəqiqədə Qonçalo Quedes qonaqların üçüncü qolunu vuraraq hesabı bərabərləşdirib. Ən sonda, 90+9-cu dəqiqədə Aleksandr Sorlot və 90+12-ci dəqiqədə Xose Luis Morales fərqlənərək görüşün yekun hesabını qoyub.