"Barselona" və "Atletiko" onun üçün mübarizə aparır

"Barselona" "Las Palmas"ın müdafiəçisi Sergi Kardona üçün artıq futbolçu ilə danışıqlar aparan "Atletiko" ilə mübarizə aparır.

90deqiqe.az xəbər verir ki, adıçəkilən komandalar Kardonanı azad agent kimi transfer etmək istəyir. Bununla belə, "blauqrana" qış transfer pəncərəsində futbolçunu almaq imkanını da nəzərdən keçirir.

İspan futbolçunun müqaviləsi mövsümün sonunda başa çatır.

Bu mövsüm Kardona La Liqa və İspaniya Kubokunda 22 oyun keçirib, bir məhsuldar ötürmə edib və 8 sarı vərəqə alıb. Transfermarkt portalı 24 yaşlı sol cinah müdafiəçisini 3 milyon avroya qiymətləndirir.