"Barselona"nın futbolçusu əməliyyat olundu

"Barselona"nın müdafiəçisi Alexandro Balde əməliyyat olunub

90deqiqe.az xəbər verir ki, ispan oyunçu sağ dizindəki zədəyə görə cərrahi müdaxiləyə ehyiyac duyub..

Futbolçu Kral Kubokunun 1/4 finalında "Atletik"ə qarşı matçda sıradan çıxmışdı. Balde Turkuda doktor Lasse Lempainen tərəfindən əməliyyat olunub. Əməliyyat kataloniyalı tibb işçilərinin nəzarəti altında keçirilib.

Futbolçunun meydançaya qayıtma vaxtı hələ məlum deyil.

Balde Barselona məzunudur. Onun müqaviləsi 2028-ci ilin yayına kimi nəzərdə tutulub. Bu mövsüm sol cinah müdafiəçisi bütün turnirlərdə 28 oyun keçirib, bir qol və bir məhsuldar ötürmə edib, həmçinin 2 sarı vərəqə alıb. Transfermarkt portalı 20 yaşlı ispaniyalıya 50 milyon avro qiymət qoyub.

Daha əvvəl "Barselona"nın "Las Palmas"ın müdafiəçisi ilə maraqlandığı bildirilirdi.