Xavi gələcəkdə "Barselona"ya qayıda bilər

Cari mövsümün sonunda klubdan ayrılacağını açıqlayan "Barselona"nın baş məşqçisi Xavi gələcəkdə bu komandaya mümkün qayıdışı ilə bağlı açıqlama verib.

90deqiqe.az xəbər verir ki, ispan çalışdırıcı geri dönüşü istisna etmədiyini bildirib.

"Mən geri dönməyi istisna etmirəm. "Barsa" hər şeydə mənə güvənə bilər, amma onların hazırda mənə ehtiyacı olduğunu düşünmürəm. Artıq hər şeyə qərar vermişəm.Düşünürəm ki, o əməyə qiymət verilmir."

Mütəxəssis 2021-ci ilin noyabrından komandaya rəhbərlik edir. Onun rəhbərliyi altında Kataloniya klubu iki kubok - İspaniya çempionatı və İspaniya Superkubokunu (hər ikisi 2022/2023 mövsümündə) qazanıb.