"Barselona"da ciddi itki

"Barselona"nın hücumçusu Ferran Torres sıradan çıxıb.

90deqiqe.az xəbər verir ki, 23 yaşlı futbolçu İspaniya çempionatının 20-ci turunda "Osasuna" ilə qarşılaşmanın yeddinci dəqiqəsində zədələnib.

Torres büdrəyib və matçı davam etdirə bilməyib. Futbolçu Fermin Lopezlə məcburi əvəzlənib.

Torres zədənin təfərrüatlarını və sağalma müddətini yalnız tibbi müayinədən keçdikdən sonra müəyyənləşəcək.

Ferranın katalonlarla müqaviləsi 2027-ci ilin yayına qədər nəzərdə tutulub.O, bu mövsüm komandanın heyətində 31 matçda iştirak edib, 11 qol vurub və 4 məhsuldar ötürmə edib.