Xavi: “Real” hər həftə hakimlərə təzyiq edir, hətta ..."

"Barselona"nın baş məşqçisi Xavi Kataloniya klubunun prezidenti Joan Laportanın "Real Madrid"in ispan hakimlərə daim təzyiq etdiyini bildirən sözlərini dəstəkləyib.

90deqiqe.az xəbər verir ki, ispan mütəxəssis "kral klubu"nun hakimləri daim təzyiqdə saxladığını və medianın bundan yazmadığını bildirib.

“Mən artıq demişəm ki, hakimlərin belə şəraitə salınması mənim xoşuma gəlmir, lakin onlar bunu hər həftə davam etdirirlər. Hakimlər şərti işarələr verirlər. Prezidentin sözləri ilə yüz faiz razıyam. Bu reallıqdır və biz "Barselona"lıları aldada bilmərik.Mən federasiya prezidenti və ya liqanın prezidenti deyiləm, amma baş verən barbarlığa təəccüblənirəm. Bu problemdir, çünki rəqabəti tamamilə dəyişir. "Real Madrid" hər həftə La Liqanı tamamilə idarə etmək üçün hakimlər təyin edir. Bu doğrudur. Bunu hətta kor adam da görə bilər. Simeone dediyi kimi: "Biz axmaq deyilik və hər şeyi görürük." Media bu barədə yazmalıdır”, - Sport.es Xavinin sözlərini sitat gətirir.

Mütəxəssis 2021-ci ilin noyabrından komandaya rəhbərlik edir. Onun rəhbərliyi altında Kataloniya klubu iki kubok - İspaniya çempionatı və İspaniya Superkubokunu (hər ikisi 2022/2023 mövsümündə) qazanıb. O, ötən günlərdə katoniyalıların baş məşqçi postundan gedəcəyini açıqlamışdı.