- İspaniya L.L.
- 12:55 26.07.2024
“Real Madrid”in sabiq hücumçusu Eden Hazard futbol istedadına görə ondan daha güclü olan sualı cavablandırıb.
90deqiqe.az xəbər verir ki, belçikalı sabiq oyunçu Messinin ən güclü olduğunu və Ronaldonun ondan üstün olmadığını bildirib.
“Futbol istedadına görə hansı futbolçu məndən üstündür? Fərdi olaraq Messi bəlkə də yeganədir. Mən onu "Barselona"da izləməkdən həzz aldım, sonlara doğru daha az idi, amma o, tarixin ən böyük oyunçusudur. Topu ondan almaq mümkün deyil, o, sadəcə inanılmazdır. Kriştiano məndən daha böyük oyunçudur, amma təmiz futbol baxımından, düzünü desəm, onun daha yaxşı olduğunu düşünmürəm”, – Hazard özünün X sosial şəbəkəsində (əvvəllər Twitter) deyib.
Xatırladaq ki, Hazard karyerası ərzində “Lill”, “Çelsi” və “Real Madrid”də çıxış edib. 2023-cü ilin oktyabrında Hazard təqaüdə çıxmaq qərarını açıqladı.