Ter Ştegen qayıdır

"Barselona"nın qapıçısı Mark-Andre ter Ştegen La Liqada "Qranada" ilə oyunda iştirak edə biləcək.

90deqiqe.az xəbər verir ki,  dekabrda əməliyyat olunam alman qolkiper dünən ümumi komanda ilə birlikdə yenidən məşqlərə başlayıb.

“Qranada” ilə görüş fevralın 11-də baş tutacaq, kataloniyalılar almaniyalının bu görüşdə oynamasını istəyir.

31 yaşlı qapıçı belindəki ağrılar səbəbindən noyabrın 12-dən oynamır.

Bu mövsüm qapıçı bütün turnirlərdə 17 matçda iştirak edib, səkkizində qapını təmiz saxlayıb. Futbolçunun klubla hazırkı əmək müqaviləsi 2028-ci ilin yayına qədərdir. Transfermarkt portalında verilən məlumata görə, futbolçunun bazar dəyəri 35 milyon avrodur.