"Barselona" onu geri qaytarmaq istəmir

İspaniyanın "Barselona" klubu İngiltərənin "Mançester Siti" klubundan icarəyə götürdüyü müdafiəçi Joao Kanselonu birdəfəlik almağı planlaşdırır.

90deqiqe.az xəbər verir ki, bu barədə jurnalist Nikolo Skira "X" sosial şəbəkəsində (keçmiş Twitter)  yazıb.

O, portuqaliyalı müdafiəçinin “Barselona”da qalmaq və oynamağa davam etmək istədiyini bildirib.

Klublar arasındakı icarə müqaviləsi 2024-cü ilin iyun ayının sonuna kimidir.
İspaniya La Liqasının cari mövsümündə 29 yaşlı Joao Kanselo 19 oyunda iştirak edib, o, iki qol vurub və iki məhsuldar ötürmə edib. Onun Çempionlar Liqasında da altı oyun, bir qol və bir məhsuldar ötürmə var. "Barselona" La Liqada 23 oyundan sonra 50 xalla üçüncüdür.