“Real”da müdafiəçi qalmadı

"Real Madrid"in bugünkü məşqində komandanın mərkəz müdafiəçilərindən heç biri iştirak etməyib.

90deqiqe.az xəbər verir ki, bu barədə jurnalist Arança Rodriqes  "X" sosial şəbəkəsində (keçmiş Twitter) yazıb.

O, Antonio Rudiger fərdi proqram üzrə, Naço Fernandes isə idman zalında məşq etdiyini qeyd edib. David Alaba və Eder Militaonun isə zədəlikləri davam edir.

Hazırda İspaniya çempionatının turnir cədvəlinə 23 turdan sonra 58 xalla "Real Madrid" başçılıq edir. “Jirona” Los Blankosdan 2 xal geri qalır. Komandaların 24-cü turun görüşü fevralın 10-u baş tutacaq.